Vorschau
Von der Wirtzburgischen marck, wie weit
die anfenglich gangen ist





Ain Alte schrifft hab ich bey dem Thombstifft gesehen, die mir Johan Reinhart
[1] Presentzmeister gewisen, darin die Wirtzburgisch Marckh verZaichnet steet,
[2] wie die bey Zeitten Kunig Carln deß grossen, Nemlich in dem Jar deß herrn
780 durch etliche Verordente Mennere in beysein Kunig Carln gesanten
Rathe eines, Eberharten genant, abgangen vnd vnterschieden worden ist,
also Lautendt. In dem namen Vnsers herrn Ihesu Christi. Offenbar
sey allen der Heyligen Gottes Kirchen glaubigen, Das Eburhart deß fur-
treffenlichsten vnsers herrn Kunig Carln gesanter, mit allen Altten vnd red-
lichsten diß Lands, ein vntergang der Son(n)en, vnd dem Wassere Main, gnant
die Wirtzburger Marckh, nach recht Zu vnterschieden, die nach geschribene Pessten
vnd Altten, so deßhalben Jre Ayde geschworn, herumb gefurt hat. Also haben
sie angefangen an dem ortte, da man es haisset am Otwinesbrun(n), dan(n)
in das Haganisol, dauon in Herostat, in den Widenenseo, danan in mittan
Notenloch, dauon in Scelenhoue. Vnd sindt dise Mennere, die an obberur-
ten ortten den gang gethan, Vnd mit Jrem Ayde erhaltten haben, Zotan, Epho,
Landhold, Sigwin, Kuntzolff, Diotmar, Artumar, Eburraat, Hiltwin,
Eburkar, Germund, Arberat, Volgger, Theotger, Theodhold. Vnd eben an dem-
selben ende, haben andere Zeugen angefangen vorZugehen, vnd Zufuren, d(as) ist
von Demo Scelenhouge in Haibistes buinta, dauon in das Rucigiseshoue,
dauon anan Amerland, danan in Moruhhesstain, danan afftar dero dingun
untzan Chistenbrunnon, biß daselbst hin haben vorgangen vnd gefuret,
auch bey Jren Ayden erhalten die hernachbenanten Batolf, Gerfrid, Hatger,
Lando, Marckwart, Voldemar, Adalbracht, Vto, Hatto, Sarman, Hunger,
Wichbald, Ato, Eckhart, Straugolf, Hain, Francko, Ainstrit, Gerhart, Gato,

[1] Würtzburgische Marckh

[2] Vntergang Vndt be- Zirkhung Jst geshehe(n) Vndt vfgericht, mit fleiß notiert Jm Jar 780 Zur Zeit königes Carolj Magni


Franconica-Online

Franconica  > Fries-Chronik  > Chronik  > 8. Jahrhundert  > Gemarkung Würzburgs