[1] Gaist besessen, vnd schrien alle drey, sie hetten solche Jr grosse marter vnd
Plag an Sant Kilian vnd seinen gesellen wol verdienet, vnd Namen darauff
ain vnseliges ende. Hertzog Geswert warde vber etlich Jar von seinen
aigen Dienern erstochen. So khame sein Sun auch Geßwert genant, vnnd
desselben Sune Hetauff bey meniglich in verachtung, vnd starben on ferr-
ner manliche erben.

kundung deß Göttlichen worts vfhöret, fiele von tage Zu tagen Vil
Francken von dem Christlichen glauben, wider Zu Jrer Abgötterey,
Also das lenger dann Jn Sechtzigk Jarn ongeuerlich in disem Franckhen-
Landt wenig rechter Christen pliben, biß der Heilige Burchhard¹ in Teutsche
Landt khame, vnd den Christen glauben in Francken, Hessen, Wetterau,
Duringen, Bayrn, vnd Frießlandt seliglich Predigte, von dem ich numehr
sagen will.

[4] Der heilig Winfrid, den man darnach Bonifatien nennet, Ist
auch von Sachßischen Elttern in Englandt geborn, vnd von Jugent vff Zw
der Schuele vnd Lernung gehaltten worden, darJnn er sich auch so vleisig
vbet, daß er Vast gelert warde; daneben furet er ein tugentsam Vnstref-
lich leben, Also das Jne meniglich lieb, vnd in sonderlicher acht hette. Vnd
als er bericht wardt, wie vor etlichen Jarn der Heylig Chilian die vnglaub-
igen Oster Francken von Jrer Abgöttery Zum Heyligen Christen glaub(en)
bracht vnd getaufft hette, aber nach seinem Todt, der merer tail aus Jnen,
Darumb das sie mitler Zeit Kein Prediger oder Lerer gehabt, von dem Rechten
Liecht wider in die Vinsternus Jrer vorigen Haidenschafft getretten waren,
name er Jme fur dahin Zu Ziehen, vnd Zuuersuchen, ob er dieselbige Pflantz-
ung S. Chilians, die durch deß hessigen Sathans herben windt verwelckt,

[1]	Gailan Vom teüffel besessen, namen alle 3 ein vnseeliges ende. Hertzog Geßwartt Von Seinen eignen dienern erstoche(n)
[2]	Merckliche abnamung deß Christlichen Glaubenß, Zunamung der heidnische abgötterej ab anno 686 usq(ue) ad ann(um) 752. quo Burckhardus Religi- onem restauravit 64. ann(is) post mortem Kiliani
[3]	Haec 3 sequentia non omnia sed q(uin)tam tantum in altero Exemplari habentur, pag(ina) 5, 6, 6a
[4]	Bischoff Bonifacius, Windfrid genant Ein vast gelehrter, vnd from(m)er man