[1] GERHARTVS Nach dem Dötlichen
abgang Bischoff Albrechten deß andern, gebornen herrn von Hohenlohe,
obgedacht kamen die Capittelherrn Zusamen, ainen Neuen Bischoff Zumachen, kanten
[2] sich aber der Wale miteinander nit vergleichen, Dann Sechs aus Jnen, Nemlich
herr Carl von Hespurg, der Domdechant, herr Conrad von Heringen, herr Ott
von Heldrit, herr Engelhart von Neideck, herr Hans Hofwart, vnd Hart-
ung von Lobsberg, weleten herrn Albrechten von Hespurg, Dom-
Probst Zu Wirtzburg, Die andern alle Postulierten herrn Witigen, ...
... Domdechant Zu Bamberg. Vnd nachtem sy sich in solchem nit ainigen
mochten, auch vnter den Zwayen Erweltten vnd Postulierten, keiner dem Andern
weichen, sunder ein Jeder Bischoff vnd herr Zu Wirtzburg sein woltte, Liese Jme
herr Albrecht von Hespurg der Domprobst, seiner Wale ein vrkhundt machenn,
schickt die gein Maintz, vnd warde von Ertzbischoff Johansen daselbst bestettigt,
Er name auch darauf mit hilff vnd furderung der Jenigen, so Jne gewelt hetten, vnd
seiner Freunde, etliche deß Stiffts Flecken, Zu Erbhuldung an, sunderlich die Burg(er)
Zu Wirtzburg, den er wider zuliesse burgermeistere vnd Rathe wnter ineni zü machen
vnd Zu halten, gabe Jne auch die schlussele Zu den thürnen vnd thoren wider,
welchs alles Jnen daruork Bischoff Albrecht, wie oblaut, genomen hette. Er
sagt Jnen darüber vil mehr gnaden Zu, damit er sy vf seiner seiten behielte. Dar-
gegen verbünden vnd verschriben sich die Burgere, Jme wider menniglich beholfen
Zu sein vnd Jne als Jren rechten herrn bey dem Bisthumb ivnd Stifft' Wirtzburg
Zu behalten.

[3] So liessen die andern herrn dez Capittels von Jrer Postulation

---