Als vnser herr Jesus Christus Fur das gantz mensch-
[1] lich geschlecht gelitten hat, gestorben, begraben Vnd am dritten tagk Von
dem Todt wider erstanden vnd Zu Himel gefaren ist, Haben seine Jüngere vnd
[2] Apostele sich allenthalben ausgetailt, Iren entpfangenen beuelhe Zu Predigen
Vnd Zuverkhunden. Der Heilig Apostel Paulus, welcher biß dahin die Neu
vfgeendt Cristlich Kirche hefftig verfolgt hette, Aber durch gnedige Wirck-
[3] ung des Almechtigen wunderbarlich zu vnserm Heiligen glauben bekhert
ware, wie dann solches die geschicht der Heiligen Apostel nach der lenge An-
Zaigen, finge an, den Christlichen glauben, Von dem Jüdischen Landt aus al-
lenthalben in der Haidenschafft durch das Römisch Reich biß an die Donaw,
das ist in den Landen, die den Romeren, oder Irem Kaiser vnterworffen
waren, Zu Predigen. Dergleichen haben seine Schuler vnd Jung(er),
[4] Nemlich Titus in den Landen der Dalmaten, Crabateni vnd Windischen
Marck, Fortunatus zu Agley, damals die Hauptstatt in Karenten,
Marcus zu Passaw vnd daselbst vmb die Lande hinab, Lucius zu Regen-
[5] spurg vnd das Landt hinuff an der Thonaw, Crescentius Zu Maintz am Rein,
Clemens Zu Metz an der Musel, vnd dann Maternus S. Petters Schuler
Zu Trier, Cöln vnnd daselbst vmb auch gethan. Vnd waren dazumal die
Landere Jenseit der Tonaw vnd Reins, gegen dem walischen vnd Gallen Landt,
Itzt Franckreich genant, Zu, gelegen, der Römere gwalt vnd Obrigkhait
vnterworffen, Dar Inn die obgenanten Heilige men(n)ere, durch Ire Predig
vnd Wunder Zaichen, allenthalben vil leutte Zu vnserem Hailigen Christlichen
[6] glauben bekhert haben. Was aber dieser seit deß Reins vnd der Tonaw geleg(en),
die sind lang hernach Zum glauben bracht worden.

Dieweil aber dem Altten Sprichwort nach, alle Neuerung vnd Verenderung
Argwon vnd verdacht mit Ir pringen, Wurden die selben Neuen Christen
nit allein von Irer Obrigkhait, vnd den Ansehenlichsten im Hauffen, Sonder
auch von den gemeinen Iren Nachbaurn, fur Abtri(n)nige, vfrurige vnd böse

[1]	alter. ex(em)plar. pag(ina) 4a
[2]	Apostel Christi nach der himelf(ahrt) vff empfangen befelh außtheilung Vndt Jhr Predigen
[3]	Paulus wunderbarlich be- kehrt predigt den Christlichen glauben allenthalben von dem Jüdischen Lande auß, durch das Römisch Reich biß an die Donau
[4]	Folgendtß ist dem Christenthum In Dalmatien, Crabaten vnd Windischen markh vnd andern ortten uffgericht worden
[5]	Jenseit der Donau
[6]	Dißeits des Reinß, vnd Der Tonau der Christ- liche Glaube Zu Leß ge- prediget worden
[7]	Alter. ex(em)pl(a)r. p(agina) 4a Et seq. b