[1] HERMANVS, Herman der erst, ain geborner herr
Von Lobdeburg, ist Bischoff worden am XXVII. tag deß Hornungs, nach (der) gepurt
vnsers herrn .1225. vnd hatt Regiert AchtvndZwaintzig Jar vnd DreyZehen tag

[2] Vnd wiewol etliche wollen, das Bischoff Ott der erst dis Namens
obgenant, vnd diser Bischoff Herman, bede geborne Hertzogen Zu Laubenburg
oder Lobenburg aus Sachssen gewest, so find ich doch aigentlich in den Altten brief(en)
vnd Thurnier Buchern, das sie nit Hertzogen von Laubenburg, sonder herrn von
Lobdeburg gewesen sein, Vnd hatt Bischoff Herman noch ein bruder gehapt,
[3] Hartman von Lobdeburg genant, Jre Elttern haben das Closter Ahausen gestift,
Vnd ligt noch ein grosser Leichtstain im Closter daselbst, darunter einer deß
gemeltten Closters Stiffter, Herr Hartman von Lobdeburg genant, begra-
ben worden, nach Lautt deß Stains vberschrifft, Die ehgenanten von
Lobdeburg sind mit den herrn von Berga gefreunt gewesen, haben auch vast
gleiche Wappen, nemlich ein geflugelten Visch gefurt, Doch mögen sie mit der
farbe vnterschaiden sein,

[4] Künig Hainrich der Sibend, der Jn seiner Jugend wie oblaut

---