Ott der erst vnd .38.
Bischoff.
Wie herr Bod von Rabenspürg
etliche seine gutere dem Teutschen
Orden geben
hatt,
hatt,
Herr Bod von Rabenspurg der (. wie oblaut .) Bischoff Conrade(n)
wider Zu Land khomen ware, hatt etliche seine guettere, die Jme vbergeben
den neu vfgerichten Teutschen Orden geben, Nachdem aber Conrad von
Schloß Werneck auch vorderung hetten, vnd derwegen solche vbergab nit be-
willigen woltten, sind sy durch Kunig Hainrichen, deß Kaysers Sune obgenant
mit einander vertragen worden, wie hernach volgt, Hainrich
deß Reichs, Ob es wol der Hochhait, vnser Königlichen großmechtigkhait Zu-
gehört, aller der Jhenen, die dem herrn Christo dienen, recht Zubeschauren, vnd
die guetere, so Jnen gegeben sind, vnter den schutz vnsers schirms Zuempfahen,
So will sich doch geZimen, das wir am maisten der Jhenen schutzer seyen, die
von vns vnd vnsern vorelttern gewidembt, vnd im dienst Jhesw Christj ge-
treulich anhaltend, Jr gerucht bißhero Loblich erhaltten haben, Dem-
nach sey Offenbar, den gegenwerttigen vnd khunfftigen Christglaubig(en)
das vnser getreuer Bod von Rabenspurg, durch gots eingebung, sampt
bruder Herman, gebyeter der Teutschen Haus, in Teutschen Landen, vnd
Bruder Hainrichen von Hohenlohe khomen ist Zu herrn Otten, Bischouen Zu