[1] OTO PRIMVS, Ott der erst disz Namens ist Zu Bisch-
off erwelt, am Funfften tag deß Haymonds, Nach Christj vnsers lieben herrn ge-
purt 1207. hatt Regiert Sechtzehen Jar, vnd Funff Monden. Vnd wöllen etliche, er
sey ein geborner Hertzog gewest von Lobenburg oder Laubenburg aus
Sachssen, Etliche sagen ein herre, deß geschlechts von Lobdeburg, das ist auch die
[2] warhait, wie dann hernach in Bischoue Hermans deß ersten leben dauon ferrner
meldung beschehen wurd.

Das Closter Anhaüsen in Aistetter bisthumb, hatt etlich Zehend
Zinß vnd guettere Zu Frickenhausen vnd Segnitz, am Main gehapt, dauon
es vor alther ainem Bischoue Zu Wirtzburg etliche gefelle raichen muessen, dieselb(en)
sind Abte Hainrichen durch disen erwelten Bischoff Ott, gar nachgelassen, Jn
ansehung, das sein negster vorfar Bischoff Hainrich der Viert, nach erledigung
[3] seiner gefenckhnus, so ehrlichen vnd wol daselbst im Closter Anhausen gehaldten
worden, Dargegen haben sich Abt vnd Conuendt, Zu ewiger antzaigung Jrer
danckbarkait verschriben, das sie Jerlich an Sant Barbaren tag, darauff Bischoff
[4] Conraden deß ersten obgenants Jartag gehaltten wurdt, Vier Kertzen, deren
Jede Anderhalb Pfund wegen soll, bey seinem grabe Zuuerbrennen, Jhn den
Domstifft schicken vnd vbergeben woltten. Das ist beschehen an S. Niclaus
tag, Jm Jare deß herrn .1208. Vnd hatt Bischoff Berthold von Sternberg
hernach in dem .1275. Jar am ersten tag deß Christmonds, disen Vertrag bestettigt,
Aber die gemeltten Zinse vnd guettere sein Volgender Zeit von dem Closter Anhausen,
Villeicht durch khauffe oder Abwechsele, an das Domcapitl Zu Wirtzburg bracht

[1]	OTTO I. Praesul XXXVIII
[2]	vid(e) Jnf(ra) pag(ina) 186.a)
[3]	vid(e) sup(ra) pag(ina) 175.b)
[4]	Abt von Anhaußen ver- maht Jerlich 4 kertzen Zu Bischoff Conrad Jartag.