[1]
HAINRICVS .III. Als nun die Mere gein Wirtz-
burg
khomen, das Bischoff Gotfrid im Heyligen Lande mit tod abgangen, vnnd
Zu
Antiochia
Zur erden bestatet vnd vergraben worden, khamen die herrn vom Dom-
Capitl
Zusamen, vnd weleten noch desselben 1189. Jar Zu Jrem Bischoff
vnd herrn
Hainrichen
von Bibelrieth, genant
von Babenberg, den Dritten diß
Namens.
Der hatt Regiert Sechs Jare, Neun Monden, vnd acht tage,
Wie Kunig Hainrich der
Sechst, Zu Romischem Kaiser geCrönet
worden ist,
[2]
So warde in
dem volgenden .1190. Jar desz verstorben Kaiser
Friderichen
Sone, Kunig Hainrich der Sechst diß Namens am Andern Hayligenn
Ostertag
Zu Rome von Bapst Clementen dem Dritten Zu Romischem Kaiser ge-
crönet.
Von hunger vnd theurung,
[3]
Darnach im Andern Jar vnd nemlich dem .1191. ist
ein
hefftige
grosse teurung deß getraids eingefallen, also das vil leutte in
Teutschen
Landen vor
Hunger verdorben vnd gestorben sind,
Von dem Jerlichen wallen gein Wirtz-
burg, von der Procession in
Pfingstfeirtagen, von den Pfingst-
glessern vnd Kertzen,
Zw
diser Zeit ware es ein gebrauch, vnd vor vilen Jaren also herkome(n)