Vorschau
Gotfried der erst und .33. Bischoff




[1] GOTEFRIDVS, Gotfrid der Erst disz Namens von Pisten-
berg (. etliche schreiben von Spießberg .) ware dauor Domprobst Zu Wirtzburgk,
Vnd Kayser Friderichen deß ersten Cantzler. Er trate in sein Bischoffliche Re-
gierung, da man Zalt nach deß herrn gepurt .1182. vnd blib darin, bis Jn das
Funffte Jar,
Von ainem guten e Frücht-
barn Jar,


[2] Jn dem Jar Christi .1185. war ein sehr Linder Winter, vnd in dem
Janer deß volgenden .1186. Jars, fingen die Baumen an Zu blüen, die Hunere vnd
Waltfögele legten Ayr vnd brütten aus Jm Hornung, Jm Mayen schnide man das
[3] getraid vf dem Velde ab, vnd in anfang deß Augstmonds, ware der Wein vf dem Velde
Zeitig, Also das man darauf anfieng Zu Lesen, Vnd ist desselben .1186. Jars, vil
vnd sehr guter wein gewachssen,

Wie Bischoff Gotfrid die
Domkirchen Zu Wirtzburg Neü gebaü-
et hatt,


[4] Bischoff Braun der Zwaintzigst Bischoff jn der Zal, welcher im Jar
deß herrn 1045 mit tod abgangen ist, hatt die Crufft im Domstifft, darJnn er
dann begraben ligt, von grund vfgefurt vnd gebauet, auch sonnst den Chore vnd die
gantzen Kirchen gebessert, vnd geZieret. Als aber der Chore nit gewelbet, sonder
oben von holtz gemacht ware, vnd sich die 140 Jar here geergert hette, finge
Bischoff Gotfrid an, den Chore im Dom Zu welben, vnd sunst die gantz Kirchen Allent-



[1] GOTHFREDVS I. Pisten- bergensis praesul Herbip(olensis) XXX.

[2] 1185. Annus fertilissimus

[3] Landfrid Zu Nurn- berg vfgericht 30 xbris .1187. vrsperg.

[4] Vid(e) sup(ra) pag(ina) 98. Bischoff Gottfrid baut den Dombstifft Zue Würtzburg von newem.


Franconica-Online

Franconica  > Fries-Chronik  > Chronik  > 12. Jahrhundert  > Erntereiches Jahr 1186, Renovierung, Umbau Dom