Vorschau
Gebhart der 29. Bischoff






[1] GEBEHARDVS, Gebhart, ein geborner Graue von
Henneberg, Burggraue Bopen Zu Wirtzburg leiblicher bruder, Welchen hieuor
[2] Kaiser Hainrich der Funfft, in dem vergangen 1122. Jar wider Bischoff Rugern
den das Domcapitl Ordenlich gewelet, vfgeworffen hette, ist nach absterben Bisch-
off Sigfriden Bischof Zu Wirtzburg gemacht worden, Vnd in der Regirung gewest,
Neun Jar vnd etlich monden, wie dann solches aus seinen vnd andern Kaiserlich(en)
Versigelten Briefen lautter abZunemen. Darumb sich Tritemius in seiner
grossen Chronickhen, vnd andere mehr, die furgeben das er nit mehr dann drej
Jar Regirt hab, weit Jrren. Er ist Bischoff worden, Jn dem Jar deß herrn,
1151 vnd darnach im 1160. gestorben.

[3] Wie Künig Conrad gestorben vnd
Hertzog Fridrich von Schwaben mit dem Roten
Barte an das Reich Komen ist


[4] Jn dem andern Jar darnach, nemlich jm 1152. Jar starb Kunig
Conrad der Dritt, Zu Bamberg. Etliche sagen, er lige daselbst begraben, etliche
Zu Ebrach im Closter, etliche Zu Lorschaim. Ich halte aber der Leichnam sey
Zu Bamberg begraben, aber sein Jngewaith vnd Hertz ghen Ebrach gefurt, vnd da-
[5] selbst Verwart worden*, Wie dann hieoben in Bischoff Embrichen Leben dauon
auch meldung beschehen ist. Nach König Conraden tod welete(n)
die Fursten seines bruders Sune, Hertzog Friderich von Schwaben, den man seines
[6] Roten Barts wegen Barbarossen nennet, Zu ainem Kunig, der Zoge vber Zway
Jar hernach, erstlich in WalischLand, darJnn er vil stete mit gewalt erobert, volg-
ends vf Rome, da Crönet Jne Bapst Adrian, der Viert, Zu Römischem Kaiser, vnd


* Vnd daher die gewonhait ain anfang genomen, das auch der Bischoff Zu Wirtzburgk
Hertze, nach Jrem Tod mit ainem sonderlichen gepreng, gein Ebrach gefurt, vnd daselbst
behaltten worden.


[1] GebHardus Praesul Herbip(olensis) numero 29.

[2] vid(e) Supra pag(ina) 127A et seqq(uentes)

[3] Fridericus Barbarossa Imperator

[4] Conradus III. Jmp(erator) Baben- berge obiit. A(nn)o 15. Jmperii, salut(is) 1152 vid(e) Cusp(inianus)

[5] Vid(e) Sup(ra) 131b Fridericvs 1. Barbarossa Francofurti Jmper(ator) electus 1152.

[6] Postea Rome ab Adriano Jmp(erator) coronatus 1156. Ott(o) Fris(ingensis) I, 2. Cusp(inianus).


Franconica-Online

Franconica  > Fries-Chronik  > Chronik  > 12. Jahrhundert  > Tod Konrads III. 1152, Friedrich Barbarossa