Vorschau
Adelber der 21. Bischoff



[1] ADELBERO, ain geborner Graue vom Lainbach in Bayrn,
ist Bischoff worden am Letzten tag deß Brachmonds, nach Christj gepurt 1045,
Vnd Bischoff pliben Funf vnd VirZig Jar, Drey monden vnd Sieben tag.

Von Bischoff Adelbern Eltern
vnd geschlechte,
[2] Bischoff Adelbers Vatter hies Graue Arnhold vnd wonet zu Lain-
bach, an der Traim im Passauer Bistumb. Er hette Ain Frauen Regille ge-
nant, ain geborne Fränckin, vnd wie man sagt deß geschlechts von Weinß-
berg, mit der erZeugt er etliche Kinder, aus welchen er Adelberen in der
Jugendt Zur Schule hieltte, vnd als er in der Lernung vnd Weißhait,
merckhlich Zuname, vf sein selbs ansuchen vnd begern, gaistlich macht. Da
Jme aber mit der Zeit die andern Kinde, biß vf Bischoff Adelberen, vnd noch
ainen Sune, Graue Otten genant, alle starben, fing er an aus seinem
[3] Schloß Lainbach ain Closter Zu bauen. Doch volendet er das bey seinem
[4] leben nit, Sonder hat Bischoff Adelber, Als er vber etlich Jare von Wirtz-
[5] burg verJagt worden, dasselbig erst ausgebauet, Vnd sambt dem Bischoue
Zu Bassaw Altman genant, Ain Jar vor seinem Todt selbst geweihet,
Wie du dann hernach hören wurdest. Seine elttern haben Jn Bayrn Jnge-
habt, Neuburg, Barbach, Wels vnd Picta, der letzt seines geschlechts



[1] Adelberus Praesul Herbip(olensis) vid(e) Jnf(ra) 137 b

[2] Parentes Praesulis Adelberj

[3] sup(ra) 42 b 52 a

[4] Bischoff Adelber auß dem Stifft verJagt

[5] infr(a) 110b 111a


Franconica-Online

Franconica  > Fries-Chronik  > Chronik  > 11. Jahrhundert  > Herkunft Bischof Adalberos